Xəbərlər

ETİHİ üzvləri Müəllimlərin XXII Yay İdman Oyunlarını 6 medalla başa vurublar

Bolqarıstanın Albena şəhərində keçirilən Müəllimlərin XXII Yay İdman Oyunlarına yekun vurulub.

Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirak etdiyi beynəlxalq yarışlarda Azərbaycan Həmkarlar İttifaqları Konfederasiyasının (AHİK) üzv təşkilatı Elm və Təhsil İşçiləri Həmkarlar İttifaqının (ETİHİ) təmsilçiləri uğurlu nəticələr əldə ediblər.

ETİHİ təmsilçiləri yarışları 4 birincilik və 2 üçüncülük olmaqla, ümumilikdə 6 mükafatla başa vurublar.

Mini-futbol üzrə komandamız final görüşündə Polşa təmsilçisini 5:4 hesabla məğlub edərək turnirin qalibi olub.

Stolüstü tennis üzrə komanda yarışlarında qadınlardan ibarət komandamız 1-ci, kişilərdən ibarət komandamız isə 3-cü yeri tutub.

Qadınlar arasında stolüstü tennis üzrə fərdi yarışda Nizami rayonu 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbinin məşqçi-müəllimi Rüfət Əliyeva 1-ci, Xətai rayonu 56 saylı tam orta məktəbin müəllimi Xəyalə Qiyasova isə 3-cü yeri tutub. Şahmat üzrə fərdi yarışda isə Şəmkir rayonu Kimya və Biologiya Təmayüllü Liseyinin müəllimi Bünyad Əsgərov 1-ci yerə layiq görülüb.

Sonda qaliblər Bolqarıstan Müəllimlər Birliyinin prezidenti Yanka Takeva, Bolqarıstan Müstəqil Həmkarlar İttifaqları Konfederasiyasının vitse-prezidenti Todor Kapitanov, Bolqarıstan İşçilərinin İdman və Sağlamlıq Federasiyasının prezidenti, Balkan İşçi İdmanı Assosiasiyasının vitse-prezidenti Desislava Yagodin və Varna şəhərinin meri Blagomir Kotsev tərəfindən kubok və medallarla təltif olunublar.

Beynəlxalq yarış təhsil işçiləri arasında sağlam həyat tərzinin təşviqində, eləcə də həmkarlar ittifaqı üzvləri arasında dostluq və əməkdaşlıq əlaqələrinin inkişafında mühüm rol oynayır.

Qeyd edək ki, 2004-cü ildən etibarən keçirilən bu yarışlarda Ümummilli Lider Heydər Əliyevin anadan olmasının ildönümünə həsr olunmuş respublika idman yarışlarında yüksək nəticələr göstərərək seçilmiş ittifaq üzvləri iştirak edirlər.

ETİHİ üzvləri Müəllimlərin XXII Yay İdman Oyunlarında uğurla çıxış edirlər

Bolqarıstanın Albena şəhərində Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirakı ilə Müəllimlərin XXII Yay İdman Oyunları keçirilir.

Azərbaycan Həmkarlar İttifaqları Konfederasiyasının üzv təşkilatı Elm və Təhsil İşçiləri Həmkarlar İttifaqının (ETİHİ) üzvləri də bu beynəlxalq yarışlarda iştirak edirlər.

Azərbaycan təmsilçiləri mini-futbol, stolüstü tennis, basketbol, çimərlik voleybolu və şahmat olmaqla 5 idman növündə mübarizə aparırlar.

Avqustun 27-28-də keçirilən yarışlarda ittifaq üzvlərimiz bir sıra uğurlu nəticələr əldə ediblər.

Mini-futbol üzrə komandamız qrup mərhələsini 6 xalla başa vuraraq yarımfinala yüksəlib. Yarımfinalda Bolqarıstanın “Vraça” komandasını 3:1 hesabı ilə məğlub edən təmsilçilərimiz finala vəsiqə qazanıblar.

Stolüstü tennis üzrə qadın və kişi komandalarımız da qrup mərhələsində keçirdikləri bütün qarşılaşmalarda qələbə qazanıblar. Qadınlardan ibarət komandamız 6 xalla, kişilərdən ibarət komandamız isə 8 xalla qrup mərhələsini lider kimi başa vuraraq final mərhələsinə yüksəliblər.

Şahmat üzrə fərdi yarışlarda Şəmkir rayon Kimya-biologiya təmayüllü liseyin müəllimi Bünyad Əsgərov I yeri tutub. O, həlledici qarşılaşmada Polşanın “ZNP” komandasının təmsilçisinə qalib gələrək yarışın qalibi olub.

Qeyd edək ki, Müəllimlərin Yay İdman Oyunları 2004-cü ildən etibarən ənənəvi olaraq hər il Bolqarıstanda keçirilir. Oyunlarda Ümummilli Lider Heydər Əliyevin anadan olmasının ildönümlərinə həsr edilən ölkədaxili idman yarışlarında yüksək nəticələr göstərərək münsiflər heyəti tərəfindən seçilən ittifaq üzvlərimiz iştirak edirlər.

Yarışlar avqustun 30-dək davam edəcək.

Sentyabr konfransının ikinci günü panel müzakirələrlə davam edib.

Şəki rayonunda təhsil işçilərinin 2026–2027-ci tədris ili üzrə sentyabr konfransının ikinci günü panel müzakirələri ilə davam edib.

İdarəetmə, fənlər, məktəbəqədər təhsil və digər istiqamətləri əhatə edən 12 mövzu üzrə keçirilən panel sessiyalarında tədrisin keyfiyyətinin yüksəldilməsi və şagird nailiyyətlərinin yaxşılaşdırılması ilə bağlı məsələlər müzakirə olunub.

Sessiyalarda şagirdlərin oxu, yazı, riyazi və məntiqi düşünmə bacarıqlarının inkişaf etdirilməsi, formativ qiymətləndirmənin düzgün tətbiqi, dərslərin səmərəli planlaşdırılması, diferensial tədris və zəif nəticə göstərən şagirdlərlə işin gücləndirilməsi əsas müzakirə mövzuları olub. Eyni zamanda rəqəmsal resurslardan istifadə, fənlərarası inteqrasiya, sağlam və təhlükəsiz məktəb mühitinin formalaşdırılması, istedadlı şagirdlərin dəstəklənməsi və valideyn-məktəb əməkdaşlığının gücləndirilməsi istiqamətində fikir mübadiləsi aparılıb.

Müzakirələrdə risk qrupuna daxil olan şagirdlərin erkən müəyyənləşdirilməsi, bullinq və zorakılığın qarşısının alınması, oxu klublarının fəaliyyətinin genişləndirilməsi və kitabxana resurslarından səmərəli istifadə ilə bağlı təkliflər səsləndirilib.

Yekun müzakirələr sturuktur bölmə rəhbərlərinin, sektor əməkdaşlarının və moderatorların iştirakı ilə keçirilib.

Sonda 2026–2027-ci tədris ili üzrə qarşıya qoyulan əsas hədəflər və onların icrası üçün nəzərdə tutulan tədbirlər müəyyənləşdirilərək müvafiq protokollarla rəsmiləşdirilib.

ETIHI Şəki Şəhər Komitəsi olaraq yeni tədris ilində bütün ittifaq üzvlərimizə uğurlar arzu edirik.

ETİHİ Şəki Şəhər Komitəsinin sədri beynəlxalq olimpiada qalibi ilə görüşüb

‎Avqustun 28-də ETİHİ Şəki Şəhər Komitəsinin sədri Ziyafət Xasiyeva və Şəki-Zaqatala Regional Təhsil İdarəsinin müdiri Günay Mahmudova 10–20 iyul tarixlərində Çin Xalq Respublikasının Şanxay şəhərində keçirilən Beynəlxalq Riyaziyyat Olimpiadasında (IMO) bürünc medal qazanan Şəki şəhər Kimya-Biologiya Təmayüllü Respublika Liseyinin XI sinif şagirdi Turan Musayevlə görüşüblər.

‎

‎Şəki-Zaqatala Regional Təhsil İdarəsinin inzibati binasında təşkil olunan görüşdə həmçinin müdir müavini Hafiz Pənahov, liseyin direktoru Elmir Məmmədəliyev və şagirdin valideyni iştirak edib.

Görüş zamanı Turan Musayevin beynəlxalq olimpiadada qazandığı uğur yüksək qiymətləndirilib, onun əldə etdiyi nailiyyətlərdən bəhs olunub, eyni zamanda beynəlxalq yarışlarda ölkəmizi layiqincə təmsil etməsi və qazandığı nəticələrin digər şagirdlər üçün nümunə olduğu xüsusi vurğulanıb. İdarə müdiri şagirdə gələcək təhsil həyatında və beynəlxalq olimpiadalarda yeni uğurlar arzulayıb.

‎

‎Sonda Turan Musayev Elm və Təhsil İşçiləri Həmkarlar İttifaqının Şəki Şəhər Komitəsinin və Şəki-Zaqatala Regional Təhsil İdarəsinin “Fəxri fərmanı” və hədiyyəsi ilə təltif olunub.

Sentyabr konfransına start verilib

‎Avqustun 27-də Şəki şəhər N.Gəncəvi adına 7 nömrəli tam orta ümumtəhsil məktəbinin akt zalında 2026–2027-ci tədris ili üzrə təhsil işçilərinin sentyabr konfransı keçirilib.

‎

‎Konfrans Azərbaycan Respublikasının Dövlət Himninin səsləndirilməsi ilə başlayıb, daha sonra şəhidlərin əziz xatirəsi bir dəqiqəlik sükutla yad edilib.

‎

‎Tədbirdə Elm və Təhsil İşçiləri Həmkarlar İttifaqı Şəki Şəhər Komitəsinin sədri Ziyafət Xasiyeva,Şəki-Zaqatala Regional Təhsil İdarəsinin İnzibati-təşkilat sektorunun müdiri Rauf Əsədov,Şəki şəhər İcra Hakimiyyətinin İctimai-siyasi və humanitar məsələlər sektorunun müdiri Sadiq Yusifov, Şəki rayonu üzrə təhsil sektorunun müdiri Zamik Cəbiyev,məktəbəqədər, ümumi və məktəbdənkənar təhsil müəssisələrinin rəhbərləri, qabaqcıl təhsil işçiləri,eləcə də ictimaiyyət nümayəndələri iştirak ediblər.

‎

Konfransda Şəki rayonu üzrə təhsil sektorunun müdiri Zamik Cəbiyev tərəfindən ötən tədris ilinin nəticələri, əldə olunan nailiyyətlər haqqında hesabat təqdim edilib və qarşıda duran məsələlər müzakirə edilib. Yeni tədris ili üzrə əsas hədəflər və prioritet istiqamətlər diqqətə çatdırılıb.

‎

Daha sonra Ziyafət Xasiyeva,Rauf Əsədov və Sadiq Yusifov çıxışlarında təhsilin keyfiyyətinin yüksəldilməsi, şagird nailiyyətlərinin artırılması, müəllimlərin peşəkar inkişafının dəstəklənməsi və məktəblərdə səmərəli idarəetmənin təmin edilməsi ilə bağlı əsas vəzifələr vurğulanıb.

Konfrans panel müzakirələri ilə davam etdirilib

‎

Sonda müəyyən edilmiş hədəflərin həyata keçirilməsi və təhsil göstəricilərinin daha da yaxşılaşdırılması istiqamətində məqsədyönlü fəaliyyətin davam etdirilməsinin vacibliyi qeyd olunub.

Daha bir şərəfli ömrün zirvəsi

Şəki rayonu üzrə təhsil sektorunun məsləhətçisi Kəmalə Qaziyevanın 65 illik yubileyi münasibətilə tədbir keçirilib.

Tədbirdə Elm və Təhsil İşçiləri Həmkarlar İttifaqı Şəki Şəhər Komitəsinin sədri Ziyafət Xasiyeva, Şəki rayonu üzrə təhsil sektorunun müdiri Zamik Cəbiyev və sektorun əməkdaşları iştirak ediblər.

Kəmalə Qaziyeva təhsil sahəsində uzunmüddətli və səmərəli əmək fəaliyyətinə, rayonda təhsilin inkişafında göstərdiyi xidmətlərə və anadan olmasının 65 illik yubileyi münasibətilə fəxri fərman və hədiyyə ilə təltif olunub.

ETİHİ Şəki Şəhər Komitəsi olaraq Kəmalə Qaziyevanı 65 illik yubileyi münasibətilə səmimi-qəlbdən təbrik edir, ona möhkəm cansağlığı, ailə səadəti, uzun ömür və gələcək fəaliyyətində uğurlar arzulayırıq.

Şəki şəhər 30 nömrəli uşaq bağçasının kollektivi üçün ekskursiya təşkil olunub

Elm və Təhsil İşçiləri Həmkarlar İttifaqı Şəki Şəhər Komitəsinin xidmətində olduğu Şəki şəhər 30 nömrəli uşaq bağçasının kollektivi üçün Şəki şəhərinə birgünlük ekskursiya təşkil olunub.

Ekskursiyanın məqsədi ittifaq üzvlərinin asudə vaxtının səmərəli təşkili, onların doğma şəhərin tarixi-mədəni irsi və zəngin turizm potensialı ilə daha yaxından tanış olmalarına şərait yaratmaq olub.

Gəzinti zamanı kollektiv Şəkinin tarixi və görməli yerlərini ziyarət edib, şəhərin qədim memarlığı, zəngin tarixi və füsunkar təbiəti ilə tanış olub, xoş və yaddaqalan anlar yaşayıblar.

"Təhsil İstirahət Mərkəzi"

Elm və Təhsil İşçiləri Həmkarlar İttifaqı Şəki Şəhər Komitəsinin xidmətində olduğu təhsil müəssisələrində çalışan ittifaq üzvləri “e-AHİK” elektron rezervasiya sistemi vasitəsilə qeydiyyatdan keçərək Elm və Təhsil İşçiləri Respublika Komitəsinin tabeliyində fəaliyyət göstərən "Təhsil İstirahət Mərkəzində" istirahət ediblər.

İttifaq üzvlərinin asudə vaxtlarının səmərəli təşkili və istirahətlərinin yüksək səviyyədə təmin olunması məqsədilə yaradılan şəraitdən yararlanan üzvlər mərkəzdə göstərilən xidmətlərin keyfiyyətindən və yaradılmış yüksək səviyyəli şəraitdən razılıqlarını ifadə ediblər.

Cəyirli kənd uşaq bağçası üçün ekskursiya

Elm və Təhsil İşçiləri Həmkarlar İttifaqı Şəki Şəhər Komitəsinin ittifaq üzvlərinin asudə vaxtlarının səmərəli təşkili istiqamətində həyata keçirdiyi tədbirlər çərçivəsində Şəki rayon Cəyirli kənd körpələr evi uşaq bağçasının kollektivi üçün Şəki rayonuna ekskursiya təşkil olunub.

Səfər zamanı iştirakçılar Şəkinin əsrarəngiz təbiəti, füsunkar dağ mənzərələri, zəngin yaşıllığı və tarixi-mədəni məkanları ilə yaxından tanış olublar. Gəzinti iştirakçılara həm mənalı istirahət etmək, həm də xoş anlar yaşamaq imkanı yaradıb.

Belə tədbirlər ittifaq üzvləri arasında ünsiyyətin möhkəmlənməsinə, həmrəyliyin güclənməsinə və sağlam istirahət mühitinin formalaşmasına öz töhfəsini verir.

İlk təşkilat kollektivi üçün ekskursiya

Elm və Təhsil İşçiləri Həmkarlar İttifaqı Şəki Şəhər Komitəsinin dəstəyi ilə xidmətində olduğu Şəki şəhər 23 nömrəli uşaq bağçasının ittifaq üzvləri üçün Oğuz rayonuna ekskursiya təşkil olunub.

Ekskursiya zamanı iştirakçılar Oğuz rayonunun füsunkar təbiəti, zəngin yaşıllıqları, tarixi-mədəni abidələri və görməli-gəzməli məkanları ilə yaxından tanış olublar. Səfər çərçivəsində rayonun turizm potensialı haqqında məlumat verilib, iştirakçılar təbiətin gözəlliklərini seyr edərək xoş və yaddaqalan anlar yaşayıblar.

Qeyd edək ki, bu cür ekskursiyaların təşkili ittifaq üzvlərinin asudə vaxtlarının səmərəli təşkilinə, onların mənəvi istirahətinin təmin olunmasına, kollektiv üzvləri arasında dostluq, həmrəylik və qarşılıqlı münasibətlərin daha da möhkəmlənməsinə mühüm töhfə verir

Təhsil işçiləri üçün növbəti ekskursiya

Elm və Təhsil İşçiləri Həmkarlar İttifaqı Şəki Şəhər Komitəsinin ittifaq üzvlərinin asudə vaxtlarının səmərəli təşkili istiqamətində həyata keçirdiyi tədbirlər çərçivəsində Şəki şəhər Kimya-biologiya təmayüllü liseyin kollektivi üçün Şəki rayonuna ekskursiya təşkil olunub.

Səfər zamanı iştirakçılar Şəkinin əsrarəngiz təbiəti, füsunkar dağ mənzərələri, zəngin yaşıllığı və tarixi-mədəni məkanları ilə yaxından tanış olublar. Gəzinti iştirakçılara həm mənalı istirahət etmək, həm də xoş anlar yaşamaq imkanı yaradıb.

Belə tədbirlər ittifaq üzvləri arasında ünsiyyətin möhkəmlənməsinə, həmrəyliyin güclənməsinə və sağlam istirahət mühitinin formalaşmasına öz töhfəsini verir.

Cunud kənd məktəbi üçün ekskursiya təşkil olunub

Elm və Təhsil İşçiləri Həmkarlar İttifaqı Şəki Şəhər Komitəsinin dəstəyi ilə xidmətində olduğu Cunud kənd tam orta ümumtəhsil məktəbinin ittifaq üzvləri üçün Oğuz rayonunda ekskursiya təşkil olunub.

Ekskursiya zamanı iştirakçılar Oğuz rayonunun füsunkar təbiəti, zəngin yaşıllıqları, tarixi-mədəni abidələri və görməli-gəzməli məkanları ilə yaxından tanış olublar. Səfər çərçivəsində rayonun turizm potensialı haqqında məlumat verilib, iştirakçılar təbiətin gözəlliklərini seyr edərək xoş və yaddaqalan anlar yaşayıblar.

Qeyd edək ki, bu cür ekskursiyaların təşkili ittifaq üzvlərinin asudə vaxtlarının səmərəli təşkilinə, onların mənəvi istirahətinin təmin olunmasına, kollektiv üzvləri arasında dostluq, həmrəylik və qarşılıqlı münasibətlərin daha da möhkəmlənməsinə mühüm töhfə verir.